Праздничные напевы

Сюан гуръёс (Свадебные песни)

***
Кык сюлэмъёс артэ йыгаськизы,
Кык улонъёс нош огазе ни луизы,
Тӧдьы юсьлэн кык бурдъёсыз выллем,
Соос кыкназы пото бадӟым сюрес вылэ!

Тӥ пуктэлэ, эшъёс, ас коркадэс,
Йыг-йыг, шонаськисьтэм корка сямен.
Мед со луоз, луо вылын ӧвӧл,
Тӧллы но сильтӧллы сётӥськисьтэм
Изкар выллем!

Мусо выль кен, тыныд мон сӥзисько
Со Инмарен кузьмам яратондэ
Паськыт но мур, пӧртэм ласянь адӟыны,
Сое медаз лу номырин но мертаны,
Уго, сое сётэ тыныд Ачиз быдӟым Инмар!

Тыныд нош, эмеспи, сӥзем потэ
Ас кузпалдэ яратыны, ас мугордэ сямен,
Соку тӥ ортчоды та дуннеын ваньзэ-ваньзэ:
Шумпотонзэ, куректонзэ, лек висёнзэ, сьӧдзэ но тӧдьызэ
Сюан гуръёс (Свадебные песни)

 

***
Кык сюлэмъёс артэ йыгаськизы,
Кык улонъёс нош огазе ни луизы,
Тӧдьы юсьлэн кык бурдъёсыз выллем,
Соос кыкназы пото бадӟым сюрес вылэ!

Тӥ пуктэлэ, эшъёс, ас коркадэс,
Йыг-йыг, шонаськисьтэм корка сямен.
Мед со луоз, луо вылын ӧвӧл,
Тӧллы но сильтӧллы сётӥськисьтэм
Изкар выллем!

Мусо выль кен, тыныд мон сӥзисько
Со Инмарен кузьмам яратондэ
Паськыт но мур, пӧртэм ласянь адӟыны,
Сое медаз лу номырин но мертаны,
Уго, сое сётэ тыныд Ачиз быдӟым Инмар!

Тыныд нош, эмеспи, сӥзем потэ
Ас кузпалдэ яратыны, ас мугордэ сямен,
Соку тӥ ортчоды та дуннеын ваньзэ-ваньзэ:
Шумпотонзэ, куректонзэ, лек висёнзэ, сьӧдзэ но тӧдьызэ!

 

Вордскем нуналэн зечкылан (День рождения)

Яратыса но гажаса,

Ми тӥледыз ӟечкыласьком

Туннэ вордскем нуналады

Сюлмысь бакель ми кариськом.

 

 Ми сӥзиськом тӥлед, эшъёс,

Улонады но куспады

Инмармылэсь каньыллыксэ,

Солэсь пумтэм яратонзэ.

 

Мед чузъяськоз удмурт крезьгур

Яратонэн пачыласа,

Мед кисьтӥськоз вылысь ингур

Ошмес вуэн визыласа.

 

Вордӥськонлы сизеем кырзан (Рождественская песня)

Лымылэсь но пужмерлэсь бусыосын

Чебересь садъёс пушйылӥзы.

Вордӥськон кизилилэн тылсиосыз

Асьмелэсь укноосмес югдытӥзы.

Чебересь садъёс пушйылӥзы,

Вордӥськон кизилилэсь югдытскизы.

 

Вож кыз котыр, вож кыз котыр

Яркыт шулдыръяськон.

Асьме доры, асьме доры

Вуиз нош Вордӥськон!

 

Котькуд коркае но котькуд интые

Инмар кылчинъёс васькылӥзы.

Вордӥськон кызэз яркыт ӝуатӥзы,

Асьмелы пальпотонзэс кузьмаллязы.

Инмар кылчинъёс васькылӥзы.

Асьмелы пальпотонзэс кузьмаллязы.

 

Вордӥськон уйлэн  нош паймымон вӧтаз

Инмарлэсь ужзэ адӟиськомы

Ми доры Ачиз Инмар Иисус Христос

Инбамысь васькиз шумпотыса.

Ми понна Ачиз Инмар Иисус Христос

Лулмугор басьтыса вордӥськиз.

 

Автор стихов Сашина Маина