Илыш–пÿрымаш

Мотор пеледыш олыкеш кушкалын,                       

Сöрале тÿсшö ден тÿням сöрастарен.

Изи мÿкшат туддечын вийым налын,

Мардеж ден шыпак лÿнгалтал шоген.

 

Йырваш шарен моткочак тамле пушым,

Тÿням куандарен, шыркам колтен.

Сöрастарен пÿртÿсым тÿрлö чияж дене,

Сÿретчымат шке декше савырен.

 

…Кÿрлат пеледышым - тетла от ушо,

Кеч шуко енын кумылжым нöлтен.

Лышташыжат пеш тамле илыш пушым

Огеш лук ынде – шудыш савырнен...

 

Тыгак вет ÿмырна пеледыш семын

Шке жапше годым пеледеш, кушкеш.

Но илыш шижтара – шуэш вет пагыт,

Коден каяш ты мландым курымеш.

 

Ну, кö пала – мыняре жап пуалтын?

Шонат кеч южышт - самырык улам.

А илышна моткочак чот лугалтын,

Сандене тыйым Юмо дек ÿжам.