Главная
Наш край
Культура
Общество
Истории жизни
Музыка
Молодежь
Новости
Ссылки
Эрзя - Мокша
Новости
наш край
Культура
Общество
Клуб киокушинкай
Нешке кирдицятненень лезэс
Отдых&спорт
Съезд мордовского народа
Тиринь келенть ванстомадо
молодежь
ОД ВЕЙСЭНБЛУВ
Коми
Марийцы
Удмурты
Вепсы
English
 

Клуб киокушинкай

 

 

Мордовиясо Киокушинкай федерациянь клубсонть эрьва тренеровкась ушодови сэтьмечинь пурнамосо. Кумажа лангсо аштезь весе рунгось ды арсематне валовтовить вейке лувс. Сонсь валоськак- «киокушинкай» вейсэндявты колмо смусть: алкуксчи, вейкексчи, сюлмавкс. Неть цёрынетнень весе ванновтост тренерэст, федерациянь клубонь прявтонть Виктор Бутусовонь лангс. Сон сынест пример, кода эряви теемс рунгонть виевекс, ёроковокс. Виктор Викторович соды кодат китне ветить изнявкстнэнень.

Киокушинкаесь вельмесь Мордовиясо комсь вейке иеде икеле. Те шканть перть ламо те тюремань коенть тонавтницятне кармасть ламо соревнованиятнесэ изницякс. Мордовиянь киокушиновецтнэ сайнесть васеце таркат Россиясо ютавтовиця пелькстамотнесэ. Те шкань перть кемень ломанень максозельть спортонь коряс мастерэнь лемть, кемень ломанть кармасть Поволжьянь чемпионокс, ульнесь саезь Россиянь чемпиононь лемесь. Виктор Бутусов корты – тёкштнэнень пачкодемась те аволь кавто- колмо иень тренеровкат, эрявить малав седе ламо сисем- кавксо иеть. Сеть тренертнэ, конат ней важодить те клубсонть ушодызь эсь пряст лангсо важодеме кото сисем иесэ. Бутусовонь сельмензэ икеле кайсть алкуксонь цёрат, алкуксонь ломанть, конатнень Виктор Викторович спортонть лангс нежедезь ветинзе военной училищав, университетэв. Истямокс кармавты улемс киокушинкаесь. Тештясыне, те залонтень якить аволь ансяк цёрат, тейтерькинетькак. Весенень кемекстави алкуксонь боецэнь обуця.Федерациянь клубонтень якицятне эрить ояксчисэ.

Течи Мордовиянь киокушиновецтнэнь ули весемесь : ули паро спортивной зал, ули виев тонавтыцят.Мастерэсь сонсь ёвтни сюк пря Мордовиянь киокушинкаень Федерациянь прявтонтень Александр Николаевнень. Сонзэ лезксэнзэ кувалма клубонтень якицятне ветить эсь тренировкаст Кочкуровань Сабаевасо, эрьва кизэ сехте виевтнень сайкшныть Анапав, тозонь эрьва ие сакшныть Япониясто мастерт, инструкторт.Невтнить од техника. Эряви меремс, чивалгома масторонть марто сюлмазь ламось. Те иестэнть ульнесть мельтне- арсематне молемс Японияв,тосо кармить молеме киокушиновецтнэнь мирэнь масторонь чемпионат. Мордовияв сась тердема. Паряк, минек спорсментнэ тов бу пачкодевельть, бути а улевель тосонь модань сорновтомась. Неень кемематне Европань Чемпионатонть лангс, Мордовиянь федерациянь трявкстнэнь виест саты улемс пелькстыцятнень ютксо.

 
Elupuu Elupuu in english Erzja page Khanty Komi Mari Udmurtia Veps