Главная
Наш край
Культура
Общество
Истории жизни
Музыка
Молодежь
Новости
Ссылки
Эрзя - Мокша
Коми
Марийцы
Удмурты
Культура
Зеч Ивор
Истории жизни
Малпанъёс
Вепсы
English
 

 Куликова Валентина

Мон бадӟим семьяын  вордӥськи, 13 нылпи ми, мон витетӥез. Анае Инмарлы оскись вал. Нырысьсэ Инмар сярысь кылӥ анаелэсь 12 арескам. Школаын эволюция сярысь вераллязы, дорам но со сярысь лыдӟылӥ. Огпол анае мон доры лыктӥз но шуэ: «Эн оскы, нылы, таослы, тӥледыз ӧрекчало, адямиез Инмар кылдытӥз.» Мон туж но туж пайми.

Ми удмурт гуртын улӥмы бере, вань предметъесын начальной школаямы дышетӥзы милемыз удмурт сямен. Витетӥ классын дышетскытозям чик ӧй тоды ӟуч кылэз. Азьланяз выль школаын дышетскон секытэн сётӥськиз, татын вань предметэн ӟуч сямен дышетӥзы бере. Ӟуч сямен вераськыны дыши 8-9 классъёсын гинэ, сои ник туж возьдаськылӥ, мон удмурт шуыса. Мынам соку удмуртъёс – со «кыкетӥ сортъем» калык потылӥз.

Озьы ортчизы аръёс. Школаез йылпумъяй но Ижкаре медицинской институтэ пырыны ӧдъяй. Куинетӥ полаз гинэ пырыны быгатӥ. Пичи дырысен малпанэ быдэсмӥз. Институтэз умоен быдтӥ. Кылдӥз семьяе, пиналъёсы.

Озьи улӥ огшоры улонэн, номыры но мукетъёсызлэсь  висъяськытэк, 37 аресозь. Милемын семьяямы выны улӥз, кудӥз огъя  юылӥз, - со ваньмыз юисьёсты сазьтытӥсь юртъёсы вуылӥз. Огпол мон вынылэсь воштӥськемзэ адӟи. Юэмысь дугдӥз, огъя кыӵе ке но книгаез лыдӟе, уйшорозь но пуке, арня ӵукналы быдэ кытчы ке но кошкылэ. Юалляськыны кутски, мар соин луиз. Со вераз, Инмарлы, пе, оскыны кутски, юонлэсь но мозмытски. Возьматӥз фотографиоссэ, кытчы ветлэ. Шумпотӥсь ымныръёсты отысь адӟи мон, мынам но отчы мыныны мылкыды ӝутскиз.

Лыктӥ черке, нырысьсэ кылӥ, ад но рай вань шуыса. Чилектэм кадь, кышкан лыктӥз: мон но отчы сюрыны быгато, кытчы нокинлэн но сюремез уг поты. Нош талэсь но зол сюлэме йӧтӥськиз со - сыӵе паймымонзэ, чеберзэ дася Инмар асьмелы музъем вылын улонмы бырем бере. Пушкы вырӟиз, Инмарез сюлэмам пыртӥ.

Соку ик Инмар паймымон ужъёссэ лэсьтыны кутскиз улонам. Олокӧня пӧртэм трос висёнъёсы вал: хронической гайморит, хронической бронхит, пекляосы, ӝуше; ваньзэ ачим бурмытыны вырылӥ, ачим эмчи бере. Трос пӧртэм эмъюмъёс юылӥ, нош йӧнэз ӧйлась; пичи гинэ кынмыны сюрисько – висёнъёсы аляло. Черкын тодӥ, Инмар висёнъёсты бурмытэ шуыса. Соку вӧсяськыны кутски, Инмарлэсь бурмытскон курыса. Нош Инмар вань висёнъёслэсь бурмытӥз! Со дырысен нокыӵе но эмъюмез уг  юиськы, нош Инмар сомында кужым, ӟигар сётэ нуналлы быдэ, кӧня пинал дыръям ӧй вал. Озьы ик Инмар вӧсяськонъёс пыр  трос висись нылпиосты бурмытӥз, кудъёсыз мынам висисьёс вал. Эшшо Инмар усьтӥз на мыным, вань калык выжыосты Со кылдытӥз шуыса, валан сётӥз, Инмарлэн «кыкетӥ сортъем» адямиосыз ӧвӧл шуыса. Табере мон асме ачим ултӥянлэсь мозмытски но туж шумпотӥсько, удмурт мон шуыса, Инмарез аслам вордскем кылыным данъяны быгатӥсько шуыса.

Али вакытэ Инмар нуналлы быдэ шумпотон сётэ Солы ужаны-тыршыны, озьы ик мукетъёсызлы но, удмурт калыклы но ужаны.

 
Elupuu Elupuu in english Erzja page Khanty Komi Mari Udmurtia Veps