Главная
Наш край
Культура
Общество
Истории жизни
Музыка
Молодежь
Новости
Ссылки
Эрзя - Мокша
Новости
наш край
Культура
Общество
Клуб киокушинкай
Нешке кирдицятненень лезэс
Отдых&спорт
Съезд мордовского народа
Тиринь келенть ванстомадо
молодежь
ОД ВЕЙСЭНБЛУВ
Коми
Марийцы
Удмурты
Вепсы
English
 
 

Тиринь келенть ванстомадо

 

     Дмитрий Лихачёв толкови:Раськенть оймеялтонь шумбрачиденть кортыть библиотекатне.Тень марто экономиканть ёжонзо невтить келя,республиканть кинзэ,а превень шумбрачись ёвтни, кода эрьва раськесь вансты эсь тиринь келензэ- келенть кажовчись невти ломатнень пряудемеденть.    Те чарькодеманть пек вадрясто содасызь лингвистнэ.Тиринь келенть сюпавчиденть кортыть минек раськенть фольклороськак,койтнеяк ды мик викшнезь,суресэ сёрмадозь оршамопеленекак.

    Ламо иень перть Мордовской пединститутонь учёноесь Владимир Рогачёв тонавтни сеть тешкстнэнь,конатне кадовсть кудоютконь кедьёнкстнэсэ,калмазырень крёстнэсэ..Савсь якамс ламо велетнева. Течи,допрок, муевксэнзэ панжить миненекак,сень ,мезе лиясто а сеске толковави-мезе бажасть ёвтамс тюштяньпиньгень эрицятне.

Родонь тешкстнэсэ тештязельть кудонь ракшатне,чувтнэ,нешкень кудотне ды мик модань пайтнеяк

      Кезэрень эрзятнень маштомачись,сёрмась кадовсь паряк викшневтнесэяк,ансяк а весемесь ловнови течи миненек.Учёноесь соды, эрьва авась тейнесь оршамопельтненень тешкс.

Тешкстнэнь ,викшневкстнэнь смустест те шкас а весе панжовсть учёнойтненень. Течи савкшны ансяк кортамс ванна мезде -тешкстнэнь ды викшневкстнэнь лемтнесэ невтевсь перпелькстэнть ды обществанть марто сонзэ сюлмавомадо,мирдэнть-мастордонть ды космостонть  эрзятнень ды мокшотнень чарькодеманть.

   Весемесь лездась ломатнень ютксо сюлмотнень вадрялгавтомо.

   Келенть лангс а эряви ванномс ,кода лингвистика ёндо,ансяк школа ёндо.- толковась лия учёноесь Дмитрий Надькин.-Сон весе минек храмонть фундаментэзэ.,а ули кель-лондады Храмось,кодат мазыйть стенанзо ды куполонзо иляст уле. Нама,васняяк,эряви мелявтомс кельтнеде ,но теке марто вейсэ-весе культурадонтькак.Ды покштояк покш задачатне тесэ аштить школанть икеле.

     Минек республикасоно тиринь кельсэ тонавтницятнень бажамост покшт.Стака кинть изнясы икелев ютыцясь.  

Эрьва иестэ ютавтневить тиринь келенть литературанть кувалма Олимпиада,кона кармавты школасо тонавтницятнень одс варштамс эсь прянть лангс,онкстамс эсест виест сехте виевтнень ютксо.

 Ютавтовиця олимпиаданть ули эсензэ кустемазо-иеде иес полавтневи программась,полавтневить вешематне ды кевкстематне.

Олимпиадасонть  васенце таркатнень саемась те алкукскак теке Оскар,теке олимпийской медалень саема.секс мекс изницятненень панжовить российской Федерациясо тонавтнемань кудотненень ламо кенкшт .

    Ансяк кемень иеде икеле марявсь дивань тевекс ветямс эрзянь мокшонь кельтнесэ урокт ошонь школатнесэ,эйкакшонь кужотнесэ.Неень шкасто тосо  важодить программат раськень культуранть тонавтомань коряс.

 Эрзянь кель ,эрзянь кель

чольдердиця горнипов

Покш лезэвчи тейсть школатнесэ,эйкакшонь кужотнесэ пурназь музейтне.Сынст эйсэ покштятнень –бабатнень оймеёжост.Раськень культурастонть зэмесь кемексты од ломатнень потмоёжонть,вансты эйстэст кажодо,эсь прянь ёмавтомадо

Содатано меельце шкастонть ламо тонавтыцятненень максовсь грант,Весе неть изницятне ютытьМордовия Республикань  Образованиянь институтонть пачк,косо невтить ,ютавтнить мастер –класст,явить сень мезе сынсь маштыть.Меельце  иетнестэ институтсонть панжсь од ёнкст, од ванновкст тонавтомань системанть лангс.Институтонть мелявксо-кастомс истят ломанть,конат вечкевлизь эсест масторост, тиринь ёнксонть кувалма  

Чарькодеви неень шкань од технологиятне седе малавикс теинзе Мордовиянь томбале эриця мокшатнень эрзятнень.Меельце шкасто   институтонь важодицятнень бажамосо сеть таштавкстнэнь мезе теезь учёной педагогтнень кувалма,методистнэнь ёроксчист кувалма весементь ладямс интернэтс.Эрявить панжомс од тонавтомань порталт,косо улевельть бу и национальной  электронной книгат,и налксемат ,вастовомат интересной ломань марто.Интернэтэнть виензэ покшт,ансяк сень- мезе амольдявлинек тосто,васняяк весемесь эряви путомс.-Таштавксось ламо

 Мазый минек келесь,а стяко сонензэ алтнесть эсь эрямонь пингест мокш-эрзянь учёнойтне.Ютксост Мордовиянь васенце профессорось Анатолий Рябов.Маризь келень тансенть Александр Феоктистов, Дмитрий Надькин.Покш содамочить канды тиринь кельденть Дмитрий Васильевич Цыганкин.

 
Elupuu Elupuu in english Erzja page Khanty Komi Mari Udmurtia Veps