Главная
Наш край
Культура
Общество
Истории жизни
Музыка
Молодежь
Новости
Ссылки
Эрзя - Мокша
Новости
наш край
Культура
Общество
молодежь
ОД ВЕЙСЭНБЛУВ
Коми
Марийцы
Удмурты
Вепсы
English
 

Новости

 

Университетэсь важоди од проект лангсо

21.02.2012

Мордовской госуниверситетэнть научно исследователноекс велявтомась кармавты важодемс од статусонть кувалма, кармавть вельмеме од интересной проект. Тень коряс историко- социологической институтонть Россиянть новейшей историянть кафедрань прявтось Владимир Абрамов ёвтни, лементь марто важодемань ёвтксось велявтсь финно- угороведениянть домкачинть тонавтома лувонтень. Смустень кандозь, мелень коряс кармасть тердевеме омбо масторонь учёнойть- эсест ёнксонь историянть эйстэ лекциянь ловномо. Таштамковсто студентнэнень историктненень Венгрань масторонть эрямонь пингеденть ёвтнесь Габор Дьёни.

Сонсь историкесь Владимир Кузьмич витьксты - эзь нолда Венгриянь историкенть вейкеяк лекциянзо. Маризе ды неизе лия ёнксонь ванновтонзо омбо ёндо сыця учёноенть, истя эрявияк видечинть вешнемасо – Кавто масторсонть тонавтомань книгатне явсть ванновтонь ды методологиянть коряс. Эряви студентнэнь кармавтомс арсемс, косто мезе саевсь, толковамс тувталтнэде ды сенде мезе лись. Габор Дьёни тешти- студентнэнь интересэсь мадьяртнэнь масторонтень пек покш.- кодамоль сон ульнесь васень ды омбоце мировой войнатнестэ, кода эри Венгриясь? Неть кевкстематне талновтсть студентнэнь. Весемесь толковавсь венгрань учёноенть ванновтсо.

Габор Дьёни корты « Минь мадъяртнэ ды эрзя – мокшотне аравтозтяно вейке келень кужось. Тень марто, миненек, венгратненень- тынк келенк а чарькодевикс. Минь истя жо а чарькодтяно ненцатненьгак, конатнень марто маряви седе малавикст ундоксонок, кель валонь юронок- Мон ёвтан седее ламодо минек ютксо Венгриянть ды Россиянть ули седе ламо вейкексчинек- оймеялтонь малавиксчинек.»

Те чимс исторической наукань кандидатось Габор Дьёни кенерсь максомс весе се программань курсонть мезе арсесь максомс историко- социологической институтонь студентнэнень. Сон ёвтнесь Венгрань раськенть чачоманзо,кепедтеманзо- касоманзо эйстэ минек шкань эрямонзо видс. Габор неть читнестэ велявты кудов, сонзэ таркас сы ловномо лекцият лия финно- угрань мастортнэстэ учёной, Таллинн ошсто сы профессор. Сы иестэ, паряк пачкодить Саранскоев Финэнь историктне. Тень марто,тештясыне, теке шкасто Россиянь новейшей историянь кафедрань учёнойтне кармить ловномо лекцият омбо мастортнэсэ: Венгриясо, Эстониясо, Финляндиясо.

 

Роштувань чи

11.01.2012

Ацамковонь комсь ветеце чистэнть ламо мастортнэсэ ташто ковкерьксэнть коряс тештясть роштуванть. Минек республикасоно истяжо те чись кандсь кенярксчи ломантненень. « Вельмема» евангелическо- лютеранской пазидасонть озалясь Алексей служась литургия. Коень коряс те чистэнть славить Пазонть . Пасторось Алексей весе пурныцятненень ёвтни Роштуванть смустензэ. Эряви меремс, Те чистэнть Алешкинтнэнь семиянтень ульнесть ламо гайневтемат ялгаст пельде, финно угорской мастортнэстэ: поздоровонь валт ёвтазельть финнтнэнь эйстэ, капшаст пачтемс эсест паронь арсема валрисьмест эстонтнэ. Кортыть васенцеде роштуванть тештямось ульнесь нилеце пингстэ. Пазнэнь озномадо мейле « Вельмема» пазидасонть невтезель спектакля, косо од ломантне невтизь, кода лиясто тештнить ломантне роштуванть: симемасо ды орожиякшнозь. Налксема путовксонть эйсэ берянесь ливтезель верев, раксевсь пайстомотнень тевест.

Коень коряс Роштуванть самос моли пост, конась прядови васенце тештень лисемас. Алкуксонь христиантнэ кенярксчинь морганть лангс анокстнить ламо тантей ярсамопельть. Нама тень марто, Роштувастонть покш тарка зани кузонть улемазо. Сон корты пингеде- пингень эрямодо.

Роштувань чокшнестэнть « Вельмема» лютеранско- евангелической пазидасонть прядовсь концертсэ , вейке морга ваксо ярсамосо.

 

 

 
Elupuu Elupuu in english Erzja page Khanty Komi Mari Udmurtia Veps