Главная
Наш край
Культура
Общество
Истории жизни
Музыка
Молодежь
Новости
Ссылки
Эрзя - Мокша
Новости
наш край
Культура
Общество
Клуб киокушинкай
Нешке кирдицятненень лезэс
Отдых&спорт
Съезд мордовского народа
Тиринь келенть ванстомадо
молодежь
ОД ВЕЙСЭНБЛУВ
Коми
Марийцы
Удмурты
Вепсы
English
 

Мордовия спортивная

Национальные бои

Тюштянь налксемат

 

Игнатбуень Ташто Чамзань Культурань кудосонть валске марто мольсь шалт.Тезэнь пурнавсть Зубова Полянасто,Саранскойстэ,Кочкуровасто,Отяжбуйстэ,Ицялсто- весе сеть кие арсесь  невтемс тюремасо виензэ.Те коесь кирдеви  эрзя-мокшонь раськесэнть тюштянь пингстэ саезь,а паряк седеяк икельде.Тюштянь налксематне ушодовсть семинарсто. Од учёноесь историкесь Сергей Ивлев ёвтнесь эрзя мокшонь раськенть историядонзо ды сонзэ виев цёратнеде,тештязель кодамо смусть кандсть Пургаз ,Тюштя…Тештязель кодат вийть каявкст- ульнесть минек раськенть лангс гунтнэнь сарматнэнь,печенегтнень эйстэ.Ансяк лемтне кадовсть неть этностнэстэ.Минек раськесь эри-секс мекс раськенек виев.

    Игнатбуень ломатнень лецтнематнесэ те шкас эрить ёвтнемат виев ломатнеде:Заикинэсь алаша кепедиль,Те ёнксонь велетне свал ульнесть сюпав мазый авасо ды виев ломансэ.Аватне келя,кезэрень шкастонть вадрясто леднесть налсо ды эйкакшшосткак тонавтсть тенень.Ярсамодо икеле келя макстнесть эйкакштнэнень налт,бути тонась а понги путозь васов модамаринтень,кадовиль вачо.Мордовиясо тюштянь налксема лем ало вельмевтевить сеть койтне конатнень кирдсть тюремасонть покштятне. Мастянь читнестэ лия кенярксчистэ  свал ульнесть истят тюремат.Куринка куринка лангс веле велень лангс ды седе тов

Паро,муевсь истямо ломань.кона кирди интерес покштятнень койтненень.Сынст ютксо Павел Мигунов- те сон васенцеде веете иеде икеле ушодынзе Тюштянь налксематнень.конат совавтыть эсест эйс аволь ансяк тюремань койтне ды паро сонзэ тевенть улить кирдицянзо ды поладыцянзо.

 Течинь «Тюштянь налкксематне» алтавсть Кирилл Комаровнень- те сон ды Александр Кокурин вельмевтизь ды кемекстызь Мордовиясо Греко-римской тюремань койтнень.Се мезе теезель ульсь покш примерэкс, Течинь   пелькстамонть икеле ёвтазельть поздоровт: Кирилл Комаровонь нуцканзо пельде, Наркотиктнень каршо тюремань Федеральной службанть пельде,Рав чиресэ эриця  Финно- угратнень культурань юр куншканть пельде.тештязельть шнамонь конёвсо сетне кие путы виензэ эйкакштнэнень шумбрачист кемекстамонтень,кие теи цёрынетнень виевекс.Инжетнень ютксо сеть кие сынсь ютызь спортонь школанть.

  Сеть цёрынетне,конат якасть истямо секциятненень, шкань ютазь седеяк чарькдевсь – те спортонтть ёнксось максы покш лезэвчи весе эрямонь перть.Ней уш ламотне  сынсь ветить секцият. Течинь кенярксчинтень кандозельть казнеть.

Течи невтевсь се мезе маштытть спортивной тюремань секциятнесэ,невтевсть тюремань ламо ёнкст каратэ,дзюдо,Греко-римскоесь ды эрзя-мокшотнень тюремань ёнксонть

 Эрзя мокшонь раськенть тюрематнесэ улить эсест ёнкст-а эряви кенерьпакарьсэ вачкодемс чамас,пильгсэ пстидемасонть а эряви понгомс рашко юткс седей алов,сявордозенть а чавить.Тюремстэ седе ламо вачкодемась максови пильгтненень.

 

 

Мордовиянь чийницятне сехте бойкат
Мордовские ходоки быстрее всех

Васень масторлангонь историясонть минек шождаатлеттнэ саизь мирэнь чемпионатонь весе сырненть.Минек республикань спорсментнэ Валерий Борчин,Ольга Каниськина,Сергей Кирдяпкин Россиянь туртов саизь сехте покш казнетнень спортонь якамосонть.Мордовиянь спортонь якамонь школась ёвтазь сехте виевекс масторлангсонть ды спортивной журналисттнэ лемдизь те изнямонть феноменальнойкс.

Саранскойсэ"Мордовия "спортивной комплексэ пурнавкшность сырнень медальтнень Берлинсэ саицятнень марто вастовомась.Мордовиянь чийницятне кандсть Россиянтень од изнявкст.,ускизь тиринь масторонтень покш казнесть Кеенярксчисэнть ёвтнесть поздоровт спортсментнэнень Мордовия республикань прявтось Николай Меркушкин,РФ-нь спортонь,физической культурань ды туризмань министрань полавтыцясь Геннадий Алёшин,РФ-нь шожда атлетикань Федерациянь президентэсь Валентин Балахничев,ламокст лисезь Россиянь олимпийской чемпионось Александр Тихонов,спортивной комментатортнэ Ольга Богословская ды Алексей Васильев.

Спортсо изнявкстнэнь кисэ Ольга Каниськинанень максозь Республика Мордовиянь почётной гражданинэнь"лем,Валерий Борчинэнь казезь Мордовия Республикань Государственной премиясо.Сергей Кирдяпкинэнь казезь колмоце степенень Славань орденсэ.Сынст тренерэст Виктор Чегинэнь истя жо максозь колмоце Славань ,республиканской олимпийской центрантень- юронтень карми кандомо Чегинэнь лементь,Славань аллеясонть курок вельми Викторонь бюстозо.

Валерий Борчин

Сеске старттонть мейле ,20 вайгельбень дистанциясонть,зярыя омбо масторонь спортсмент туекшнэсть икелев.Ушосонть ульнесь пек псиль.Икельцетнень ютксольть Норвегиясто-Эрик Тисе.Италиясто-Ивано Брунетти ды Джорджио Рубино.Ветешка вайгельбеть ютазь Валерий Борчин кадовкшнось эйстэст 13 секундадо.Сон топавтнесь тренерэнзэ мерематнень.Кемень вайгельбень ютазь эрзянь цёрась ноштась икелев.Норвегиянь ды Италиянь спортсментнэ малавгадсть овсе.15 вайгельбетнеде мейле Борчин лиссь икелев.Мельганзо аламо кить кенерсть.Изнясь эрзянь виесь ды обуцясь.Неть аволь чаво валт.Тенень ули косто саевемс.

- Вишка порасто саезь Валера ульнесь пек ёроковокс,- ёвтни авазо Татьяна Сергеевна.-Ве таркасо минутаяк а аштиль,ансяк кенерть мельганзо ваномо.Кеме обуцясь жо тетянзо Виктор Егоровичень пельде.Спортов Валера сась 10 иесэ.Паряк те примерэнть сон саизе Василькина Татьяна Егоровнань пельде.Сон икелень спортсменка,чийнесь сокссо.

Берлинсэ Валерий Борчиннэнь савсь максомс ламо интервьт.Зярдо кевкстнесть эйсэнзэ,кинень алтазь те изнявксось,сон апак кавтолдо кортась"Монь малавикстнэнень ды тренертнэнень".

Ольга Каниськина

Мирэнь истямо чемпионатсо Ольга Каниськина сырнень медаль сайсь омбоцеде. Весе масторонь спортонь историясонть истят тевть васневить васенцеде,лиякс меремс ,сондензэ башка кавто истят изнявкст кияк эзь тейне.

Берлинэнь пси погодась эзизе кола минек спортсменканть пелькстамонь лувонзо.Васенце вайгельбетнестэ зярыя виев ютыцят,кода свал,лисекшнэсь икелев.Каниськина ютась мартост,ансяк икелев эзь капша.Мельганзо сасамонзо лисекшнэсь Ирландиясто Оливе Луньяне.Мордовиянь спортонь якамонь школань воспитанницась ловинзе весе виензэ ды кармась явовомо тонадонть икелев.Ютазь 15 вайгельбетнеде мейле ваныцятне чарькодсть,Каниськина киненьгак а сасави.сонзэ пек вадря ютамонь техниказо.

Ольга Каниськинань туртов 2007 иестэнть саезь -те колмоце покш изнявкс:Осака,Пекин,Берлин.Неть колмо оштне теизь сонзэ содавиксэкс масторлангонь келес.

 

 

Мордовия спортивная

 Олег Маскаев

 

В Ледовом дворце столицы Мордовии состоялся поединок между Олегом Маскаевым и Ричем Боруффом. Олег Маскаев нокаутировал Рича Боруффа через 1 минуту 35 секунд после начала боя  и одержал бесспорную победу.

 

 

 
Elupuu Elupuu in english Erzja page Khanty Komi Mari Udmurtia Veps